प्रचंड जिद्द व प्रबळ इच्छाशक्तीच्या जोरावर सामाजिक, धार्मिक व सहकारी भावनेतुन विशिष्ट कार्य करण्याच्या उद्देशाने आपले मोठे बंधु स्व. अशोकराव (आण्णा) बनकर यांच्या नावाने पिंपळगांव बसवंत येथे मकरसंक्रांतीच्या शुभ दिवशी संत सद्गुरू जनार्दन स्वामींच्या आशिर्वादाने व प.पु. १००८ महामंडलेश्वर शांतीगिरीजी महाराज यांच्या शुभहस्ते दि. १४ जानेवारी १९९७ रोजी स्व.अशोकराव बनकर नागरी सहकारी पतसंस्थेची स्थापना केली, व अवघ्या पाच वर्षात संस्थेची स्वमालकीची पिंपळगाव बसवंत शहराच्या विकासात मानाचा तुरा असलेली भव्य वास्तु उभारली.
दि. २१ जानेवारी २००२ रोजी या वास्तुचे उद्घाटन आपले सामाजिक व राजकीय गुरु मा. शरदचंद्रजी पवार साहेब यांचे शुभहस्ते करण्यात आले. आज या संस्थेचे नाशिक जिल्हा कार्यक्षेत्र असुन दि.३१ मार्च २०१९ अखेर १०६.९६ कोटी रुपयांच्या ठेवी, ७७.२३ कोटी रुपयांचे कर्ज वाटप ,७०.७७ कोटी रुपयांची गुंतवणुक, ४६. ८४ कोटी रुपयांचा निधी उपलब्ध असुन पतसंस्थेस दि. ३१ मार्च २०१९ अखेर १.९९ कोटी रुपये नफा मिळालेला आहे. संस्थेचे ब्रिद वाक्य असलेल्या ” पैशावर विश्वास ठेवण्यापेक्षा, विश्वासावर पैसा ठेवा” या संस्थेच्या ब्रिद वाक्याप्रमाणेच ठेवीदारांचा वर्षानुवर्षे विश्वास जपत वसुलीत कोणत्याही प्रकारची तडजोड न ठेवता ९६ % कर्ज वसुली करत एनपीए चे प्रमाण ०% कायम ठेवण्यात येते. सहकारी धोरणानुसार व कायद्यानुसार चालविलेल्या या संस्थेला नेहमी “अ” वर्ग मिळालेला आहे. मा.आ. दिलीपराव बनकर यांच्या कल्पना शक्तीनुसार फक्त ठेवी गोळा करणे व कर्जपुरवठा करणे व त्यातुन नफा मिळवणे हे न करता सहकाराला एका व्यावसायिक दृष्टिकोनातुन पाहिल्यास सहकार कधीच अडचणीत येऊ शकत नाही. त्यासाठी त्याला अधिक भक्कमपणे उभे करावयाचे असल्यास त्यास व्यावसायिक जोड देणे गरजेचे आहे. त्यानुसार त्यांनी पतसंस्थेच्या माध्यमातुन परिसरातील शेतकऱ्यांचा शेतीमाल निर्यात करणे, साठवणुकीसाठी संस्थेच्या स्वनिधीतुन ४ एकर जागा विकत घेत २३०० मे. टन क्षमतेचे प्री-कुलींग व कोल्ड स्टोअरेज युनिट क्र १ व १५०० मे. टन प्री-कुलींग व कोल्ड स्टोअरेज युनिट क्र २ ची उभारणी केलेली आहे. संस्थेच्या तालुक्याच्या गावी १ व जिल्ह्याच्या ठिकाणी १ अशा एकूण ४ शाखा कार्यरत आहे. संस्थेस फक्त नफा मिळवणे हे साध्य न मानता सभासदांची अडीअडचणीतील माणसांची मदत कारण्याकरीता १ ऍम्ब्युलन्स, १ वैकुंठ रथ व १ पाणी टँकरची सुविधा केलेली आहे. संस्थेचे कार्यक्षेत्र निफाड तालुका असुन दि. ३१ मार्च २०१९ रोजी ६.८० कोटी रुपयांच्या ठेवी, ५.१० कोटी रुपयांचे कर्ज वाटप, ३.७० कोटी रुपयांची गुंतवणूक, १.५७ कोटी रुपयांचा निधी असुन दि ३१ मार्च २०१९ अखेर १४.८५ लाखांचा नफा मिळालेला आहे.

भीमाशंकर ग्रामोदय शिक्षण संस्था

ग्रामीण भागातील माझ्या शेतकरी, व्यापारी, कामगार बांधवांच्या मुलांना याच ग्रामीण भागात शहराप्रमाणेच इंग्रजी माध्यमाचे शिक्षण मिळावे म्हणुन सन १९९८ मध्ये प.पु. गुरुमाऊली आण्णासाहेब मोरे यांच्या शुभहस्ते आई वडीलांच्या नावाने भीमाशंकर ग्रामोदय शिक्षण संस्थेची स्थापना केली. निफाड तालुक्यातील ग्रामीण भागात पहिली इंग्रजी माध्यमाची शाळा सुरु केली. आजमितीस इयत्ता १० वी पर्यंत वर्ग असुन ११३१ विद्यार्थी इंग्रजी माध्यमाचे शिक्षण घेत आहेत. ग्रामीण भागातील विविध ४२ खेड्यापाड्यातील शालेय विद्यार्थ्यांना ये-जा करणे सोयीचे व्हावे याकरीता संस्थेच्या मालकीच्या ७ स्कूलबसची सुविधा केलेली आहे. इंग्रजी माध्यमाच्या शाळेमध्ये गुणवत्ता व दर्जाशी कधीही तडजोड न करता ग्रामीण भागातील शाळेचा विदयार्थी जागतिक स्पर्धेच्या युगामध्ये मागे राहायला नको या हेतुने ३ हेक्टर जागेवर प्रशस्त सर्व सुविधायुक्त संकुलाचे बांधकाम केलेले आहे. या संस्थेत स्वतंत्र संकुलांमध्ये इयत्ता १० वी पर्यंत भिमाशंकर प्राथमिक व माध्यमिक शाळा चालविण्यात येत असुन ९७९ विद्यार्थी शिक्षण घेत आहे. सुमारे २११० विद्यार्थ्यांना दर्जेदार व गुणवत्ता पुर्व ज्ञान दानाचे काम करीत आहे.
काकांचा मकरसंक्रांतीचा शुभमुहूर्तावर मोठा विश्वास असल्याने प्रत्येक नवीन कार्याची, संस्थेची व कामाची सुरुवात मकरसंक्रांतीच्या दिवशी केली जाते. त्यामुळे त्या संस्थेचा येणारा वर्धापन दिन मकरसंक्रांतीच्या दिवशीच केला जातो. या वर्धापन दिनाला संस्थेचे सभासद, हितचिंतक, मित्रपरिवार, सहकारी यांना निमंत्रण देऊन तोंड गोड करून संस्थेच्या भरभराटीस चालना देणेकरीता सहकार्य घेतले जाते.

सप्तशृंगी महिला ग्रामीण बिगर शेती सहकारी पतसंस्था

शेतकरी विविध कार्यकारी विकास सहकारी सेवा संस्था

जलवाहिन्या

शेती व्यवसायावर काम करणाऱ्या शेतकऱ्यांची त्यांच्या कुटुंबांची, मजुर कामगारांची व जनावरांची संख्या वाढत चालली आहे तर पाण्याचे प्रमाण दिवसेंदिवस घटत चालले आहे. गेल्या कित्येक वर्षात पाण्याचे स्रोत व जमीनीचे क्षेत्र यामुळे नवीन धरणांची निर्मिती झाली नाही. त्यामुळे बागायती शेती करीता साठविलेला पाणी साठा वर्षभर कसा पुरविला जाऊ शकतो याचे व्यवस्थापन शेती व्यवसाय करणाऱ्या शेतकऱ्यांच्याच हातात असेल तर त्याचा शेतकरी निश्चितच चांगल्या पद्धतीने उपयोग करतील या उद्देशाने पिंपळगाव बसवंत परिसरातील शेतकऱ्यांसाठी विघ्नहर्ता पाणी वाटप सहकारी संस्थेची सन २००१ मध्ये स्थापना केली. संस्थेच्या माध्यमातुन १०० हेक्टर क्षेत्र ओलिताखाली आणले व वावी, नांदुर खुर्द, कुंभारी व पालखेड या चार गावांचे कार्यक्षेत्र असलेल्या साखळी म्हसोबा पाणी वाटप सहकारी संस्थेची स्थापना केली. व तालुक्यातील शेतकऱ्यांना भविष्यातील लागणाऱ्या पाण्याची किंमत ओळखुन पाणी वाटप संस्था स्थापन करण्यासाठी प्रोत्साहीत केले.

विघ्नहर्ता पाणी वाटप सहकारी संस्था

दिवसेंदिवस शेतीचे क्षेत्र वाढत चालले आहे. शेती व्यवसायावर काम करणाऱ्या शेतकऱ्यांची त्यांच्या कुटुंबांची, मजुर कामगारांची व जनावरांची संख्या वाढत चालली आहे तर पाण्याचे प्रमाण दिवसेंदिवस घटत चालले आहे. गेल्या कित्येक वर्षात पाण्याचे स्रोत व जमीनीचे क्षेत्र यामुळे नवीन धरणांची निर्मिती झाली नाही. त्यामुळे बागायती शेती करीता साठविलेला पाणी साठा वर्षभर कसा पुरविला जाऊ शकतो याचे व्यवस्थापन शेती व्यवसाय करणाऱ्या शेतकऱ्यांच्याच हातात असेल तर त्याचा शेतकरी निश्चितच चांगल्या पद्धतीने उपयोग करतील या उद्देशाने पिंपळगाव बसवंत परिसरातील शेतकऱ्यांसाठी विघ्नहर्ता पाणी वाटप सहकारी संस्थेची सन २००१ मध्ये स्थापना केली.

साखळी म्हसोबा पाणी वाटप सहकारी संस्था

संस्थेच्या माध्यमातुन १०० हेक्टर क्षेत्र ओलिताखाली आणले व वावी, नांदुर खुर्द, कुंभारी व पालखेड या चार गावांचे कार्यक्षेत्र असलेल्या साखळी म्हसोबा पाणी वाटप सहकारी संस्थेची स्थापना केली. व तालुक्यातील शेतकऱ्यांना भविष्यातील लागणाऱ्या पाण्याची किंमत ओळखुन पाणी वाटप संस्था स्थापन करण्यासाठी प्रोत्साहीत केले.

मा .श्री . दिलीपराव बनकर कला, क्रिडा सांस्कृतिक मंडळ

तालुक्यातील युवकांना, खेळाडूंना, कलाकारांना वेळोवेळी मदत करणेकरीता मा.श्री. दिलीपराव बनकर कला, क्रिडा सांस्कृतिक मंडळ व द्राक्ष उत्पादक शेतकरी, वाहतुकदार, चालक, मालक, द्राक्ष व्यापारी यांच्याशी सुसंवाद साधणे, एकमेकांच्या अडीअडचणी सोडविणे. प्रामुख्याने द्राक्ष उत्पादक शेतकरी यांना आपला द्राक्ष माल देशाच्या कानाकोपऱ्यात व्यवस्थित पोहचविणेकरीता, त्यांच्या मालाला चांगलाभाव मिळणेकरीता महाराष्ट्र ट्रान्सपोर्टच्या माध्यमातून प्रयत्न केला जातो.

सामाजिक, सांस्कृतिक व धार्मिक कार्याचे आयोजनाकरीता स्व.अशोकराव बनकर पुरस्कृत नॅशनल हायवे मित्र मंडळाची स्थापना केलेली आहे. प.पु. प्रीतिसुधाजी महाराज यांच्या प्रेरणेतून श्री उज्ज्वल गोरक्षण संस्थेची स्थापना केली. आज मितीस ५५० गायीचे संगोपन करण्यात येते. त्यासाठी पाणी, चारा, निवारा आदींचे व्यवस्था करण्यात आलेली आहे.

स्व. अशोकराव बनकर पुररकृत नॅशनल हायवे मित्र मंडळ, पिंपळगाव बसवंत